Այսօր Հայաստանի պետական կառավարման ակադեմիայի ուսանողների խումբը հանդիպում կազմակերպեց Կառավարությունում։
Հանդիպման ընթացքում Կառավարության աշխատակազմի ղեկավար Արայիկ Հարությունյանը ողջունեց ներկաներին և մանրամասն ներկայացրեց պետական համակարգի կառուցվածքը, դրա գործառույթները և ներկայիս առաջնահերթությունները։ Նրա խոսքով՝ որակյալ կրթությունը և ապագա մասնագետների ակտիվ մասնակցությունը հիմնարար են պետական կառավարման համակարգի զարգացման համար։
Հանդիպման ընթացքում ուսանողները հնարավորություն ունեցան հարցնել Կառավարության ներկայիս աշխատանքների, ապատեղեկատվության տարածումը կանխելու համար իրականացվող միջոցառումների, պետական ծառայության համակարգը ավելի գրավիչ դարձնելու նպատակով իրականացվող բարեփոխումների, ինչպես նաև առողջապահության համընդհանուր ապահովագրության համակարգի և ուսուցիչների ատեստավորման համակարգի բարելավմանն ուղղված աշխատանքների մասին։ Արայիկ Հարությունյանը մանրամասն պատասխանեց բոլոր հարցերին՝ փորձագիտական տեսանկյունից ներկայացնելով իրականացվող բարեփոխումների և նպատակների մասին։
Հանդիպումը ավարտվեց Կառավարության շենքի պատմությանը նվիրված շրջայցով, որը ուսանողները կատարեցին ղեկավարի ուղեկցությամբ՝ ծանոթանալով աշխատանքային միջավայրի և պատմական հիշողության հետ։
