Հայաստանի վարչապետ Նիկոլ Փաշինյանի այն հայտարարությունը, թե երկիրը չի կարող ներգրավվել Ռուսաստանի դեմ ուղղված գործողություններում, իմ կարծիքով, չի համապատասխանում Հայաստանի կառավարության ներկայիս գործողություններին։
Թեև նման հայտարարությունները, որոնք հնչում են դրական, կարևոր են, սակայն դրանք պետք է հաստատվեն գործնական քայլերով։ Իմ դիտարկմամբ՝ Հայաստանի կառավարության ներկայիս քայլերը, հատկապես Գերմանիայում անցկացված մամուլի ասուլիսի ընթացքում արված հայտարարությունները, չեն նպաստում վստահության ձևավորմանը։
Հիշյալ ասուլիսում Նիկոլ Փաշինյանը հստակեցրել էր, որ Հայաստանի ռազմավարական նպատակը Եվրամիության անդամակցությունն է։ Նա նաև հավաստիացրել էր, որ այդ նպատակը չի նշանակում Եվրասիական տնտեսական միությունից դուրս գալը։ Սակայն այս և նմանատիպ քայլերը, իմ կարծիքով, հակասում են նրա նախկին հայտարարությանը՝ երկիրը Ռուսաստանի դեմ ուղղված գործողություններից զերծ պահելու մասին։
