Հեռացող Ալեն Սիմոնյանի նախագահության շրջանակում, Սահմանադրության օրվա առթիվ, խորհրդարանի պատգամավորներին եւ աշխատակազմին մեկ աշխատավարձի չափով պարգեւատրում է կատարվել։
Սակայն, ինչպես պարզվում է, «Քաղաքացիական պայմանագիր» կուսակցության պատգամավորների սպասումները ավելի մեծ էին։ Նրանք հույս ունեին, որ, որպես խորհրդարանի վերջին կազմի անդամներ, մոտ օրերս կստանան նմանատիպ, բայց ավելի զգալի գումարներ, ինչպես անցյալ տարեվերջին տեղի ունեցավ, երբ յուրաքանչյուր պատգամավորի հաշվին 3 միլիոն դրամ պարգեւավճար էր փոխանցվել։ Հիշեցնենք, որ նման չափով գումարներ ստացել են նաեւ կառավարության անդամները։
Մյուս կողմից, «Հայաստան» դաշինքի պատգամավորները Սահմանադրական դատարան են դիմել՝ վերջին օրերին ընդունված օրենքի հակասահմանադրականության հարցով։ Խնդիրը կապված է դրսում ապրող հայրենակիցների ընտրական իրավունքի հետ։ Ըստ նոր օրենքի՝ ընտրությունից առնվազն մեկ տարի առաջ ընտրողը պետք է առնվազն վեց ամիս ապրի Հայաստանում։
